સુવિચાર

"Wel-Come to Information Technology & Kadva Patel Samaj Development World" સુવિચાર :- "ધર્મ જ મનુષ્યનો એક એવો બંધુ છે કે જે મૃત્યુ પછી પણ મનુષ્યનો સાથી થાય છે." For viewing our product brochure kindly click on the "Business Zone" & contact us for inquiries on Email Id :- inquiry.gsg13@gmail.com , Mobile :- 9429893515(call us between 7.00 AM to 10.00 AM or 7.00 PM to 10.00 PM)

Sunday, 8 December 2013

ચૂંટણી પરિણામ - દિલ્હી, મધ્ય પ્રદેશ, રાજસ્થાન, છત્તીસગઢ

Chaurasi Samaj Kadva Patidar

Gujarat Samachar News

ચૂંટણી પરિણામ - દિલ્હી, મધ્ય પ્રદેશ, રાજસ્થાન, છત્તીસગઢ

મોદીમેજિકઃ જોરદાર ચાલ્યું

શિવરાજ અને મ.પ્ર. ભાજપનું તંત્ર ગુજરાતથી ય વધુ ટેક્નોસાવી સાબિત થયું

રાજસ્થાન

કેસરિયા બાલમ પધારો મ્હારે દેસ...

- કુલ બેઠકઃ         ૨૦૦
- સ્પષ્ટ બહુમતિ માટેઃ     ૧૦૧
- ૨૦૦૮માં મતદાનઃ     ૬૬.૩૯ ટકા
- ૨૦૧૩માં મતદાનઃ     ૭૪.૩૮ ટકા


ભાજપને શું ફળ્યુંઃ હાઈટેક સ્ટાઈલ અને મોદીમેજિક

- મોબાઈલ એપ્લિકેશન્સ-સોશિયલ મીડિયા વડે થયેલો હાઈટેક પ્રચાર યુવાઓને આકર્ષવામાં સફળ નીવડયો.
- વસુંધરાના નેતૃત્વ ઉપરાંત રાજવી પરિવારની મહિલાઓની હાજરી પણ રાજ્યભરમાં મહિલા મતો મેળવવામાં કારણભૂત નીવડી.
- પાંચ વર્ષના સત્તા-વનવાસ પછી આ વખતે સત્તા પર આવવા માટે કાર્યકરોમાં જબ્બર ઉત્સાહ વર્તાયો.
કોંગ્રેસને શું નડયુંઃ લો પ્રોફાઈલ પ્રચાર અને કિરોડીમલ
- ગેહલોતે અજમાવેલા તમામ જાતિવાદી સમીકરણો ઊંધા પડયા.
- કોંગ્રેસની વોટબેન્ક ગણાતા ગુર્જર અને મીણાના વર્ચસ્વવાળા વિસ્તારોમાં પણ કોંગ્રેસને પછડાટ મળી.
- બળાત્કાર કેસમાં ફસાયેલા પ્રધાનોના સગાંઓને ટિકિટ આપવાનો મુદ્દો પણ કોંગ્રેસની વિરુદ્ધમાં ગયો.
- બળવાખોર કિરોડીમલ મીણાએ ઊભા રાખેલા ઉમેદવારોએ કોંગ્રેસને ૩૮ બેઠકો પર નુકસાન પહોંચાડયું.

મોદીમેજિકઃ જોરદાર ચાલ્યું

- અન્ય ચાર રાજ્યોની સરખામણીએ નરેન્દ્ર મોદીનો કરિશ્મા અહીં સવિશેષ જોવા મળ્યો.
- મોદીએ અહીં યોજેલી તમામ સભાઓ ભરચક રહી.
- શહેરી-યુવા મતદારોમાં મોદીનો જાદુ અહીં ચાલી ગયો.
- ગુજરાતમાં વસતાં રાજસ્થાની પરિવારોએ પણ વતનમાં જઈને મોટાપાયે મતદાન કર્યું તેમાં ગુજરાત મેજિક પણ કામ કરી ગયું.
- મુખ્યમંત્રીપદના ઉમેદવાર વસુંધરાએ પણ મોદીની ગુજરાત તર્જ પર પ્રચારતંત્ર ગોઠવ્યું હોવાથી એ સફળતાનું શ્રેય પણ મોદીના ખાતે ઉમેરવું જોઈએ.
ફેક્ટર રાહુલઃ ટોટલ ફ્લોપ
- કોંગ્રેસ માટે રાહુલની સભાઓએ ફાયદા કરતાં ય વધારે નુકસાન કરાવ્યું હોય તેવું ચિત્ર પરિણામ બાદ ઉપસે છે.
- તેમણે જ્યાં સભાઓ કરી એ વિસ્તારની ૭૫ ટકા બેઠકો કોંગ્રેસે ગુમાવી છે.
- ઉમેદવારોની પસંદગી માટે રાહુલે સૂચવેલા એકપણ માપદંડ કારગત ન નીવડયા. સચિન પાયલટ જેવા રાહુલના વિશ્વાસુઓએ રજૂ કરેલા ચિત્ર પણ સદંતર ખોટા પડયા હોવાનું અને રાહુલ પોતાની થિન્ક ટેન્કથી ગેરમાર્ગે દોરાતા હોવાનું સ્પષ્ટ થાય છે.
- હાઈટેક પ્રચાર તરફનો રાહુલનો અકળ અણગમો પણ પ્રાંતમાં કોંગ્રેસને નડયો, જેને લીધે આરંભથી જ ભાજપને પ્રચારમાં હરણફાળ ભરી લેવાની તક મળી ગઈ.
આ પરિણામ પછી હવે શું?
- ગંજાવર બહુમતિ પછી રાજ્યમાં વસુંધરારાજેની તાજપોશી નિશ્ચિત છે.
- આવતાં વર્ષે લોકસભાની ચૂંટણી યોજાશે ત્યારે રાજસ્થાનની ૨૫ બેઠકો પર ફરીથી આવા જ પરિણામોની ભાજપ અપેક્ષા રાખી શકે છે.
- રાજસ્થાનના જાતિ-પેટાજાતિના સમીકરણો સંતુલિત રાખવા ભાજપે અત્યારે તો છુટા હાથે વચનોની લ્હાણી કરી છે પણ હવે એમાં પાર ઉતરવાનું કસોટીરૃપ બનશે.
 ****** **** ******
 
મધ્યપ્રદેશ

ત્રીજી વખત ઘૂંટાયો ક... કમળનો ક

- કુલ બેઠકઃ         ૨૩૦
- સ્પષ્ટ બહુમતિ માટેઃ     ૧૧૬
- ૨૦૦૮માં મતદાનઃ     ૬૯.૫૮ ટકા
- ૨૦૧૩માં મતદાનઃ      ૭૦ ટકા


ભાજપને શું ફળ્યુંઃ વિકાસલક્ષી વહિવટ

- રાજ્યમાં સળંગ બે ટર્મથી સત્તા પર રહેલી શિવરાજસિંહ ચૌહાણના વડપણ હેઠળની ભાજપ સરકારે વિકાસલક્ષી વહીવટ આપ્યો
- શિવરાજની અંગત સ્વચ્છ છબીએ પણ લોકનજરમાં પ્રભાવ જાળવી રાખ્યો.
- હાઈટેક પ્રચારમાં શિવરાજ અને મ.પ્ર. ભાજપનું તંત્ર ગુજરાતથી ય વધુ ટેક્નોસાવી સાબિત થયું.
- શહેરી મતદારો, યુવાઓ અને મહિલાઓ પર ભાજપનો પ્રભાવ અકબંધ જોવા મળ્યો.

કોંગ્રેસને શું નડયુંઃ દાયકાથી નડે છે એ... જૂથબંધી

- છેલ્લા એક દાયકાથી જોવા મળે છે એવી જ વરવી જૂથબંધી આ વખતે ય જોવા મળી.
- જ્યોતિરાદિત્યને પ્રચારનું સુકાન સોંપવામાં જૂથબંધીને લીધે ખાસ્સું મોડું થયું.
- સિંધિયાની અંગત લોકપ્રિયતા ચંબલ, રેવા, ગ્વાલિયર સિવાય અન્યત્ર જોવા ન મળી.
- માળવા, નિમાડમાં કોંગ્રેસ ધણીધોરી વગરની હોય તેવી સ્થિતિ રહી.
- મ.પ્ર.ના રાજકારણથી બરાબર વાકેફ દિગ્વિજયને સક્રિય પ્રચારથી દૂર રાખવાનું મોંઘું પડયું.

મોદીમેજિકઃ ના, અહીં ચૌૈહાણ મેજિક

- આશ્ચર્યજનક રીતે મ.પ્ર.માં મોદીની રેલીઓ ફ્લોપ રહી હતી.
- ભોપાલમાં તેમની સભામાં માંડ ૪-૫ હજાર શ્રોતાઓ હતા. એ જોતાં પ્રાંતમાં ભાજપની જીતનું ઘણુંખરું શ્રેય શિવરાજસિંહના વિકાસલક્ષી વહીવટને જ આપવું રહ્યું.
- ભાજપમાં ટોચના સ્તરે ચાલતી અડવાણી-રાજનાથ જૂથબંધી પણ અહીં સ્પષ્ટ જોવા મળી, જેને લીધે મોદીની સભાઓને પ્રાંત ભાજપ તરફથી જ ખાસ કોઈ મહત્વ મળતું ન હોવાની છાપ ઉપસી.
- ગત ચૂંટણીમાં ૧૨-૧૫ ટકા જેટલા મુસ્લિમ મતો ભાજપની તરફેણમાં વળ્યા હોવાનું જણાતું હતું. જે આ વખતે મોદીની ઉપસ્થિતિને લીધે ભાજપે ગુમાવ્યા હોય તેવું પરિણામના પ્રાથમિક ચિત્ર પરથી અનુભવાય છે.

ફેક્ટર રાહુલઃ

- અહીં પણ રાહુલે યોજેલી સભાઓ ફિક્કી રહી.
- કોંગ્રેસને જૂથવાદ ડામવા અંગે રાહુલે દાખવેલી કડકાઈ સ્થાનિક નેતાઓ ઘોળીને પી ગયા હોય તેમ જૂથવાદના વરવા દૃષ્યો જોવા મળ્યા.
- યુવાઓને આકર્ષવા રાહુલે કરેલા રોડ-શોને પણ ખાસ પ્રતિસાદ મળ્યો નહિ.
- શિવરાજ સરકારે કરેલા વિકાસના દાવાઓનું ખંડન કરવાને બદલે રાહુલ સમગ્ર પ્રચારમાં કેન્દ્ર સરકારની નિષ્ફળતાઓ ઢાંકવામાં જ વ્યસ્ત રહ્યા.
આ પરિણામ પછી હવે શું?
- સળંગ ત્રીજી ટર્મ માટે વિજેતા નીવડેલા શિવરાજસિંહ ચૌહાણનું રાજકીય કદ વધ્યું.
- લોકસભાની ૪૦ બેઠકો શિવરાજના હાથમાં હોવાથી હવે તેમના અભિપ્રાયનું વજન વધશે.
- હાલ મોદીના કરિશ્મા હેઠળ મૌન ધારણ કરી રહેલા અડવાણી, સુષ્મા સ્વરાજને પણ શિવરાજના વિજયથી તાકાત મળશે.
- આપસમાં ટાંટિયાખેંચ જારી રાખવા કોંગ્રેસને બીજા પાંચ વર્ષ મળશે.
*********  *********  **********
 
દિલ્હી

જો જીતા વોહી સિકંદર

- કુલ બેઠકઃ         ૭૦
- સ્પષ્ટ બહુમતિ માટેઃ     ૩૬
- ૨૦૦૮માં મતદાનઃ     ૫૭.૫૮ ટકા
- ૨૦૧૩માં મતદાનઃ      ૬૭ ટકા

ભાજપને શું ફળ્યુંઃ કોંગ્રેસવિરોધી વાતાવરણ

- શીલા દિક્ષિતની ત્રણ ટર્મ પછી અહીં શાસનવિરોધી વલણ વ્યાપક પ્રમાણમાં હતું, જે સરવાળે ભાજપ માટે હકારાત્મક બન્યું.
- હર્ષવર્ધનને મુખ્યપ્રધાનના ઉમેદવાર જાહેર કરવાથી શિક્ષિત મતદારોનો ઝુકાવ વધ્યો.
- આમ છતાં વિજય ગોયલ જૂથની નારાજગી પ્રચારના અંતિમ ચરણમાં નિષ્ક્રિયતા તરીકે દેખાતી હતી.
આમઆદમી પાર્ટીઃ ... એન્ડ ધ વિનર ઈઝ કેજરીવાલ!
- ગત વર્ષે જન્મેલી આમઆદમી પાર્ટીએ પહેલી જ ચૂંટણીમાં અત્યંત આશાસ્પદ દેખાવ કરીને સૌને ચોંકાવી દીધા છે.
- કોંગ્રેસવિરોધી વાતાવરણ ભાજપને બદલે પોતાની તરફેણમાં વાળવામાં કેજરીવાલને જબ્બર સફળતા મળી.
- પ્રચારના અંતિમ ચરણમાં તેમના પર થયેલા આક્ષેપોએ છેવટે મતદારોમાં તેમના માટે સહાનુભૂતિનું વાતાવરણ સર્જ્યું.
- યુવાઓને એક નવો વિકલ્પ આપવામાં કેજરીવાલ એન્ડ ટીમને મળેલી સફળતા
કોંગ્રેસને શું નડયુંઃ શીલા, રાહુલ, સોનિયા, મનમોહન
- ત્રીજી ટર્મમાં શીલા દિક્ષિતે વહીવટમાં દાખવેલી બેદરકારી અને ઉદાસિનતાને લીધે કોંગ્રેસના સૂપડાં સાફ થઈ ગયા.
- મનમોહન સરકારની નિષ્ફળતા પણ નડી અને સોનિયાએ પ્રચાર કામગીરીમાં દાખવેલી ઓછી સક્રિયતા પણ કોંગ્રેસને ભારે પડી.

મોદીમેજિકઃ દિલ્હી હજુ દૂર છે...

- વિજય ગોયલ નારાજ નહિ થાય એવી શરતે ડો. હર્ષવર્ધનને આગળ કરી શક્યા પરંતુ છેવટે નિષ્ક્રિય થઈ ગયેલા ગોયલ જૂથને મનાવવામાં મોદીના ટ્રબલશૂટર્સને સફળતા ન મળી.
- દિલ્હીની સભાઓમાં મોદીએ પોતાનો મવાળ ચહેરો રજૂ કરવા ઘણાં પ્રયાસો કર્યા. પરંતુ મુસ્લિમ અને દલિત મતો ભાજપના ફાળે ન આવ્યા.

ફેક્ટર રાહુલઃ આંસુ સાર્યા પણ કંઇ વળ્યું નહિ!

- દિલ્હીની રેલીઓમાં રાહુલ ગાંધીએ બાંયો ચઢાવીને ઉગ્રતા દર્શાવી, આંસુ સારીને સંવેદના મેળવવાનો ય પ્રયાસ કર્યો. પણ મતદારોના માનસમાં પ્રભાવ ન જ પડયો.
- ભાજપ ઉપરાંત આમઆદમીએ પણ સોશિયલ મીડિયાનો ભરચક ઉપયોગ કર્યો જ્યારે કોંગ્રેસે બિલ્લા-બેનરની પરંપરાગત રીતરસમ વાપરી, જેથી યુવા મતદારો વિમુખ રહ્યા.
આ પરિણામ પછી હવે શું?
- દિલ્હી મતક્ષેત્રમાં લોકસભાની સાત બેઠકો માટે કેજરીવાલ અડચણરૃપ બનશે.
-  આમઆદમી પાર્ટીએ  ભાજપના ગઢમાં ય ગાબડાં પાડયા છે એ ભાજપ માટે ચિંતાજનક છે.
- નરેન્દ્ર મોદી કરતાં કેજરીવાલનો કરિશ્મા અહીં ચડિયાતો સાબિત થાય એ બાબત પણ ભાજપના બ્રહ્માસ્ત્રની મર્યાદા સૂચવી જાય છે.
******** ******** ********

છત્તીસગઢ

ગઢ જીતાયો પણ રોનક ઘટી

- કુલ બેઠકઃ         ૯૦
- સ્પષ્ટ બહુમતિ માટેઃ     ૪૬
- ૨૦૦૮માં મતદાનઃ     ૬૬.૫૮ ટકા
- ૨૦૧૩માં મતદાનઃ      ૬૭.૭૪ ટકા


ભાજપને શું ફળ્યુંઃ શહેરી મતદારો, યુવાઓનો વિશ્વાસ

- રાજ્યમાં સળંગ બે ટર્મથી શાસન કરી રહેલી ડો. રમણસિંહની ભાજપ સરકારને વિકાસના મુદ્દે મત મળ્યા ગણાશે.
- સમગ્ર પ્રચારકાર્ય દરમિયાન આંતરિક સ્તરે પક્ષ એકજૂટ રહ્યો એથી કાર્યકરોનો જુસ્સો બેવડાયો.
- આદિવાસી અને નક્સલગ્રસ્ત વિસ્તારોમાં સંભવિત નુકસાન સરભર કરવા શહેરી વિસ્તારો પર ધ્યાન કેન્દ્રિત કર્યું એ ફળ્યું.
- બસ્તર, દાંતેવાડા વિસ્તારોમાં ભાજપે કોંગ્રેસના ગઢમાં કેટલાંક ગાબડાં ય પાડયા.
કોંગ્રેસને શું નડયુંઃ આત્મવિશ્વાસનો અભાવ
- ચૂંટણી જીતી શકાશે એવો વિશ્વાસ અંદરખાને કોંગ્રેસમાં કોઈને ન હતો. પરિણામે એડીચોટીનું જોર લગાવવાની વૃત્તિ ન હતી.
- જોગી પિતા-પુત્રની અંગત છબી પણ શહેરી અને શિક્ષિત મતદારોમાં વિશ્વાસ જગાવી શકી નહિ.
- નક્સલગ્રસ્ત વિસ્તારોમાં પ્રવર્તતી સહાનુભૂતિ જીતવા થોકબંધ પ્રયત્નો કર્યા એ ફળ્યા પરંતુ બદલામાં રાયપુર સહિતના શહેરી મતદારોને કોંગ્રેસથી વિમુખ થતાં રોકી ન શકાયા.

મોદીમેજિકઃ ગઢ જીતાયો પણ જાદુ ફિક્કો

- છત્તીસગઢમાં મોદીની સભાઓને મળેલો પ્રતિસાદ જોતાં અહીં કોંગ્રેસનો સફાયો થઈ જશે એવું હવામાન બંધાયું હતું પરંતુ એ થઈ શક્યું નહિ.
- ભાજપને મળેલી બેઠકો કે મતોની ટકાવારીમાં ૨૦૦૮ની સરખામણીએ આ વખતે મોદીની હાજરીથી કોઈ મોટો ફરક પડયો નથી.
- નરેન્દ્ર મોદી અમર્યાદ ઔદ્યોગિકીકરણના હિમાયતી છે એવી કોંગ્રેસે ફેલાવેલી હવાને લીધે નક્સલગ્રસ્ત વિસ્તારોમાં ભાજપને ધારણા કરતાં વધારે નુકસાન પણ થયું.
- ગોવા કાર્યકારિણી વખતે મોદીના નામના મુદ્દે ભાજપમાં બે છાવણી સ્પષ્ટ વર્તાતી હતી ત્યારે રમણસિંહે મોદીની સ્પષ્ટ તરફેણ કરી હતી. એ જોતાં મોદી છત્તીસગઢમાં પોતાના સમર્થકની લોકપ્રિયતા ખાસ વધારી શક્યા નથી.

ફેક્ટર રાહુલઃ

- પાંચેય રાજ્યોની સરખામણીએ છત્તીસગઢમાં રાહુલે સૌથી પહેલાં પ્રચાર શરૃ કર્યો હતો તેની અસર પરિણામોમાં જોવા મળી.
- ખનીજની રોયલ્ટી ચોરી, આદિવાસીઓની જમીનના પ્રશ્નો વગેરે મુદ્દાઓ પર તેમણે ભાજપ સરકારને નિશાન બનાવી એ મુદ્દા પણ ચોક્કસ વિસ્તારોમાં કોંગ્રેસની તરફેણમાં રહ્યા.
- ઉમેદવારોની પસંદગીમાં રાહુલે સીધો હસ્તક્ષેપ કર્યો હતો. એ પછી કોંગ્રેસ ભાજપને ગળાકાપ સ્પર્ધા આપીને ૨૦૦૮ કરતાં થોડો સારો દેખાવ કરી શકે એ બાબત રાહુલ માટે આશ્વાસનરૃપ ગણાશે.
આ પરિણામ પછી હવે શું?
- સૂતરના તાંતણે મળેલી બહુમતિને લીધે સરકાર ચલાવવાનું એટલું આસાન નહિ હોય.
- લોકસભાની ચૂંટણીમાં નક્સલગ્રસ્ત વિસ્તારના સમર્થન માટે ભાજપે મહેનત કરવી પડશે.
- કોંગ્રેસનો આત્મવિશ્વાસ જો જારી રહેશે તો લોકસભાની ચૂંટણીમાં અહીં ફાયદો મેળવી શકે છે.

Source :-http://www.gujaratsamachar.com/

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Products :-  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel } (Live In :- Gujarat)




No comments:

Post a Comment