સુવિચાર

"Wel-Come to Information Technology & Kadva Patel Samaj Development World" સુવિચાર :- "ધર્મ જ મનુષ્યનો એક એવો બંધુ છે કે જે મૃત્યુ પછી પણ મનુષ્યનો સાથી થાય છે." For viewing our product brochure kindly click on the "Business Zone" & contact us for inquiries on Email Id :- inquiry.gsg13@gmail.com , Mobile :- 9429893515(call us between 7.00 AM to 10.00 AM or 7.00 PM to 10.00 PM)

Monday, 24 February 2014

પૃથ્વી પર અનાદિકાળથી અસ્તિત્વ ધરાવતા રોગો ક્યા?

Chaurasi Samaj Kadva Patidar

Gujarat Samachar News

પૃથ્વી પર અનાદિકાળથી અસ્તિત્વ ધરાવતા રોગો ક્યા?

મમીઓ રોગીષ્ઠ ન બને એ માટે તેના પર કેમિકલ પ્રોસેસ થતી હતી

પ્રાચીન કાળમાં માનવીઓને કેવા રોગો થતાં હતાં?


અમદાવાદ, ફેબ્રુઆરી 20, 2014

પ્રાચીન કાળમાં કેવા કેવા રોગો પ્રવર્તતા હતા તે આપણે કેટલું જાણીએ છીએ? એક વિજ્ઞાની બ્રિટેનની ડહૉમ યુનિવર્સિટીના ડો. ચાર્લ્ટોટ રોર્બટ્સ 'રોગોની પૂરાતત્વ વિજ્ઞાન' (ધી આર્કાઇલોજી ઓફ ડીસીઝ) નામનું પુસ્તક લખ્યું છે. તેમાં તેણે જણાવ્યું છે કે પૂરાતન માનવીના નમૂનાઓનાં 'ડીએનએ'નું પૃથ્થકરણ કરવાથી આપણને જે રોગો પૂરાતત્વકાળથી અસર કરે છે તેનું મૂળ અને ઈતિહાસ આપે છે.

ડૉ. ગાર્થ સન્ડેમે એક નિબંધ લખ્યો છે. દશ સૌથી જુના જાણીતા રોગ (ટેન ઓલ્ડેસ્ટ નોન ડીસીઝીઝ) તેમાં તેણે લખ્યું છે કે આવા અભ્યાસમાં જે રોગો બહારના પરિબળોને કારણે થાય છે તે અને જે રોગો વય આધારિત શારીરિક બિનકાર્યશીલતા આવે છે જે જન્મજાત હોય છે. જેવાં કે સંધિવા, વાઇ વગેરે આવે છે. પહેલા પ્રકારમાં વ્યસન, પોઇઝનીંગ અને ચેપ આવે છે. પુરાતનકાળમાં આવા રોગો પ્રચલિત હોવાની જાણકારી પુરાતત્વીય ખોદકામ કરતાં મળી આવતાં કંકાલો અને મમીના હાડકાની અસ્વાભાવિકતા દ્વારા અને તેમાં રહેલ 'ડીએનએ'ના નમૂનામાંથી મળે છે. આપણે જાણીએ છીએ કે માનવશરીર કોષોનું બનેલું છે. દરેક કોષનાં કેન્દ્રમાં ડીએનએ હોય છે. ડીએનએ જે તે માનવીના તમામ આનુવાંશિક લક્ષણો હોય છે. આ ડીએનએનું પૃથ્થકરણ કરવાથી પૂરાતન માનવીમાં રહેલા રોગની માહિતી મળે છે. આમ મૃતમાનવી પણ ઘણી વાતો કહે છે.

આમ બે રીતે કરેલા પૃથ્થકરણ પરથી અને પ્રાચીન ગ્રંથો પરથી જાણવા મળે છે કે દશ રોગો એવા છે જે માનવજાતના સૌથી જૂના રોગો છે. આ રોગો કયા કયા છે? ક્ષય (ટીબી), રક્તપિત, કોલેરા, શીતલા, હડકવા, મેલેરિયા, ન્યુમોનિયા, ટ્રકોમા (આંખમાં થતા ખીલ - પાંપણમાં વારેવારે થતો ચેપ, ઈન્ફલ્યુએન્ઝા, ઓરી અને બ્લેક પ્લાક (દાંત પર થતી કાળી છારી), વેદો, બાઇબલ, ગ્રીસનો ઈતિહાસ, પૂર્વના દેશોના ઈતિહાસ અને મુખના રોગોનો ઈતિહાસના ગ્રંથોમાંથી આ વિગતો મળી છે. ઈ.સ. પૂર્વે ૧૫૦૦ના ઋગ્વેદમાં ક્ષયરોગ અને રક્તપિતનો સંદર્ભ છે, ઈજીપ્તમાં ઈ.સ. પૂર્વે ૧૫૦૦ના ગ્રંથ 'એબર્સ પેપીરસ'માં રક્તપિતનો ઉલ્લેખ છે. ઈ.સ. પૂર્વે ૪૩૦નો ગ્રીસના થુસીડાઇઝ્ડમાં પ્લેગનો ઉલ્લેખ છે. બાઇબલમાં રક્તપિતની વાત છે અને રોમનો મેલેરિયા વર્ણવે છે. ઈ.સ. પૂર્વે ૮૦૦ના આદિવાસીઓના કંકાલ બતાવે છે કે તેમની આંખોની આસપાસ ખોપરીમાં વિક્ષત જોવા મળે છે તે ટ્રકોમાના કારણે હોઇ શકે.

આ ઉપરાંત ૯૦૦૦ વર્ષ જુના માતા અને બાળકના હાડકાના જીવારમોના પૃથ્થકરણ પરથી જાણવા મળે છે કે તેમને ક્ષયરોગનો (ટીબી)નો ચેપ લાગ્યો હોવો જોઇએ. તેનાથી પણ જુના એટલે કે ૫૦,૦૦૦ વર્ષ જુના તુર્કીના નમૂના પણ ક્ષયરોગ સૂચવે છે. એવું લાગે છે ક્ષયરોગનો રોગાણું માઇકો બેક્ટિરિયમ ટયુબરકુલોસિસ (એમટીબી) માણસજાતનો સૌથી જુનો ચેપ હોવો જોઇએ.
ક્ષયરોગના રોગાણ 'એમટીબી'માં ઘણું વિભેદ જોવા મળે છે. તેની ૨૫૯ જેટલી વિવિધતાઓ આજે આપણે જાણીએ છીએ. તજજ્ઞાના મતે આજની વિવિધતાઓનું મૂળ પૂર્વજ જાતિ 'માઇકોબેસ્ટેરિયમ પ્રોટો ટયુબરકુલોસિસ' છે. તેમાંથી આજના બેકટેરિયાનો ઉદભવ થયો છે. ઉપરોક્ત બેકટેરિયાની પૂર્વજ જાતિ ત્રીસ લાખ વર્ષો જૂની હોઇ શકે છે. સંશોધકોના જૂથે ૨૫૯ વિભેદ (જેમના મૂળ ડીએનએમાં સ્હેજ સ્હેજ વિકૃતિ હોય છે) સમગ્ર દુનિયામાંથી એકત્ર કરી તેમના ડીએનએ ક્રમ એકત્ર કર્યા અને બતાવ્યું કે તેમનામાં વિવિધતા લગભગ ૭૦૦૦૦ વર્ષો પહેલ ઉદભવી છે. આ સમયે અર્વાચીન માનવીએ આફ્રિકામાંથી હિજરત કરી હતી. આ અર્વાચીન માનવી એટલે આપણી જાતિ કેવી રીતે અને ક્યારે અસ્તિત્વમાં આવી.

આપણે જાણીએ છીએ કે પૃથ્વી પર સુક્ષ્મજીવોથી માંડી હાથી જેવા અને માનવી જેવા જીવોની જાતિઓ અસ્તિત્વમાં આવ્યા છે. આ જાતિઓ અલગ અલગ ઉત્પત્તિ પામી નથી. પરંતુ તેમનો ઉદ્વિકાસ થયો છે. તે પ્રક્રિયાને ઉત્ક્રાંતિ કહે છે. જીવોના વર્ગીકરણમાં એક કુળ (ફેમીલી) હોમીનિડી કહેવાય છે. તેને માનવવંશ અથવા માનવકુળ કહે છે. હોમોનિડીના બે ફાંટા છે. એક ફાટામાં 'હોમો' પ્રજાતિ આવે છે અને બીજામાં 'ઓસ્ટ્રેલોપિથેમ્સ' અને 'પરા-થ્રોપસ' આવે છે. આ બીજા પ્રકારની પ્રજાતિને 'કપિ-માનવ' પણ કહે છે. હોમો પ્રજાતિને માનવપ્રજાતિ કહે છે.
પ્રથમ હોમોપ્રજાતિની પહેલી જાતિ 'હોમોહેબિલિસ' (દક્ષ માનવ)ની ૨૦ લાખ વર્ષો પહેલા આફ્રિકામાં ઉત્ક્રાંતિ થઇ હતી. ત્યારબાદ દસ લાખ ચોસઠ હજાર લાખ પૂર્વેથી ચાર લાખ વર્ષ પૂર્વેના ગાળામાં 'હોમોઈરેકટસ'ની ઉત્ક્રાંતિ થઇ. તે ટટ્ટાર ચાલતા હતા તેનું દિમાગ મોટું હતું અને અગ્નિનો ઉપયોગ જાણતા હતા. તે પછી આજથી અઢી લાખ વર્ષો પૂર્વે હોમોસેપિયન્સ 'પ્રાયેસિપિયન્સ'ની જાતિની ઉત્ક્રાંતિ થઇ તેના એક લાખ પચ્ચીસ હજાર વર્ષો પૂર્વે બે ફાંટા પડયા. એક 'હોમોસેપિયન્સ નીયન્ડર થાલેન્સીસ'' અને બીજો 'હોમોસેપિયન્સ સેપિયન્સ' છે. આ બીજા પ્રકારને પાત્ર 'હોમોસેપિયન્સ' એટલે કે મેધાવી માનવી અથવા અર્વાચીન માનવી કહે છે. તે પૂર્વ આફ્રિકામાં વસતા હતા. ૭૦૦૦૦ હજાર વર્ષો પૂર્વે તેમણે આફ્રિકા ખંડમાંથી હિજરત કરી અને દુનિયામાં પ્રસર્યા. માનવીનો ઉત્ક્રાંતિ પથ અને ક્ષયરોગના બેકટેરિયાના ઉત્ક્રાંતિ પથમાં નોંધપાત્ર સરખાપણું જોવા મળે છે. આપણે જોઇ શકીએ છીએ ક્ષયરોગના બેકટેરિયા (એમટીબી)નું વૈવિધ્ય નોંધપાત્ર રીતે માનવની વસ્તી વિસ્તરતી ગઇ તેમ વધતું ચાલ્યું.

૨૦૧૩ના વર્ષની શરૃઆતમાં વૈજ્ઞાનિકોએ ૧૩૭ મમી (મસાલાની મદદથી સાચવી રાખેલા શબ)ના સીટી સ્કેન પ્રસિધ્ધ કર્યા. તે પ્રાચીન ઈજીપ્શીયનનો અને પેરૃવિએનોના મમી, દક્ષિણ-પશ્ચિમ અમેરિકાના પ્યુઅબ્લો અન્સ અને ઓલઈયુશિયન ટાપુઓના ઉનાન્ગન શિકાર માટે રઝળતી અને એકઠો કટતી જાતિના લોકોના મમીનો તેમાં સમાવેશ થાય છે. તેમાંના ૩૪ ટકામાં 'ઓથેરોસ્ક્લેરોસિસ'ના ચિહ્નો જોવા મળ્યા છે. આ એવો રોગ છે જેમાં હૃદયની ધમનીમાં ચરબી જામી જાય છે. જેમાં મોટા ભાગે કોલેસ્ટરોલ હોય છે. તેના કારણે હાર્ટ એટેક આવી શકે છે અથવા તો પક્ષઘાતનો હુમલો થઇ શકે છે. વળી દરેક જૂથના મમીમાં આ સ્થિતિ જોવા મળી શકે છે. યુનિવર્સિટી ઓફ ઝુરિચના સ્વીસ મમી પ્રોજેક્ટના અધ્યક્ષે પણ પુખ્ત વયનાના નમૂનાઓમાં ૩૦થી ૫૦ ટકામાં આ સ્થિતિ જોવા મળે છે. આ તારણ સૂચવે છે કે આજે ઓથેરોસ્કલેરોસિસ જોવા મળે છે તે આધુનિક જીવન પધ્ધતિ જેવી કે વધારે પડતું ખાવું, ચરબીવાળો ખોરાક લેવો, બેઠાડુ જીવન જેવા કારણો કરતા જનીનીય (જીનેટીક) કારણો છે જે દુનિયામાં લગભગ બધે જ જીવતાં માનવીઓમાં હાજર હોવા જોઇએ. કોઇક દિવસે આ જનીનોની ઓળખ હૃદયરોગની નવી દવાની શોધ પ્રતિ દોરી જશે.

ક્ષયરોગ (ટીબી) આજે પણ દર વર્ષે ૧૪ લાખ લોકોને મોતને ઘાટ ઉતારે છે. સંશોધકો મમીના ડીએનએ ક્રમ અને સીટી સ્કેનનો ઉપયોગ એ જાણવા માટે કરી રહ્યા છે કે કેવી પરિસ્થિતિમાં ક્ષયરોગ વૃધ્ધિ પામે છે અને તેનો ઉપચાર કેવી રીતે કરવો તે જાણવા માંગે છે. ડીએનએ એક દ્વિસર્પિલ આકારનો મહાઅણુ છે. તે આપણા શરીરના કોષોમાં મધ્યમાં હોય છે. આપણા 'જીવનની કિતાબ' જેવો છે. આ કિતાબ 'વાક્યો' અથવા 'ફકરા'ની બનેલી છે. તેને જનીન કહે છે. તે દરેક 'વાક્ય' અથવા 'ફકરા' મૂળાક્ષરોની હારમાળા હોય છે. તેને બેઇઝ કહે છે. જનીન આપણા આનુવાંશિક લક્ષણો છે. આ આનુવાંશિક લક્ષણો મૂળાક્ષરોના ક્રમના આધારે નક્કી થાય છે. આમ આખા ડીએનએમાં આવેલા જનીનોમાંના મૂળાક્ષરોના ક્રમ આનુવાંશિક લક્ષણો આપે છે. તે આપણા શરીરનો વિકાસ થાય તે દરમ્યાન આપણી આંખો કેવી થશે? આપણી ઊંચાઇ કેટલી થશે? આપણી ચામડીનો રંગ કેવો થશે? આપણને અમુક વયે કેન્સર થશે કે હૃદયરોગનો હુમલો આવશે? તે મહિતી તેમાં હોય છે. આ વિગતો ડીએનએ ક્રમ રૃપે રહેલ છે. આ ક્રમ બદલાય એટલે કે જનીનવિકૃતિ થાય તો લક્ષણ બદલાય જાય છે.
મેસન યુનિવર્સિટીના જીવશાસ્ત્રીય નૃવંશશાસ્ત્રી સૂચવે છે કે કેટલાક તજજ્ઞાો વિચારે છે તેથી ઉલ્ટુ યુરોપિયનો અમેરિકામાં જીવલેણ ક્ષયરોગ (ટીબી)ને ખાસ કરીને લાવ્યા હશે. તેની પ્રાથમિક ડેટા અણસાર આપે છે કે થેરવિયનના અવશેષો દશમી સદીના છે. પેરૃવિયનને ક્ષયરોગના બેકટેરિયા 'માઇકોબેકટેરિયમ ટયુબરકુુલોસીસ'નો ચેપ લાગ્યો હોવો જોઇએ અથવા બિલકુલ જુદી જાતિનો 'માઇકો બેકટેરિયમ કાન્સાઇ'નો ચેપ લાગ્યો હોવો જોઇએ. આ ચેપ વધારે હળવો હોવો જોઇએ. અને ઘણાં અભ્યાસોએ બતાવ્યું છે કે મધ્ય અમેરિકનોના યુરોપીયનના સંપર્ક પહેલાના મૃતદેહોમાં ભાગ્યે જ ક્ષયરોગના ચિહ્નો બતાવે છ.

ઉપરોક્ત નૃવંશશાસ્ત્રીય એ પરિકલ્પના સાથે સંમતિનો સૂર પૂરાવે છે. તે જણાવે છે કે 'માઇકો બેકટેરિયમ ટયુબરકુલોસિસ' બેકટેરિયા લોહની હાજરીમાં અતિવૃધ્ધિ પામે છે. અને મધ્ય અમેરિકનો ઓછા લોહવાળો ખોરાક ખાતા હતા. જો તે સાચું હોય તો એવી નવી દવા સૂચવે છે કે જે 'માઇકો બેકટેરિયમ ટયુબરકુલોસિસ'ની વૃધ્ધિને રોકે છે.
અન્ય વૈજ્ઞાાનિકોએ ડીએનએ ક્રમનો ઉપયોગ 'ચાગાઝ ડીસીઝ'ની જાણકારી મેળવવા કર્યો. તે આદિજીવ એને પ્રોટોઝુઆ કહે છે તેનાથી થાય છે. તે પરજીવી (પેરાસાઇટ) છે. તેનું નામ 'ટ્રાયપાનોસોમા ક્રુઝિ' છે. રેડુવિઇડ નામની જીવાત થાય છે. તેને પાંખો હોય છે અને જેના મુખના ભાગ ખુંચી જવાની અને ચૂસી લેવાની રચના ધરાવે છે. તેમાં ઉપરોક્ત ટ્રાયપાનોસોમા ક્રુઝિ પેરાસાઇટ તરીકે હોય છે. તે રેડુવિઇડ જીવાત મળમાં હોય છે. રાત્રે તે ચામડી પરની ઈજાઓ અને ઉઝરડાના અને નાક અને મુખમાંની મૃદુ આંતરિક પેશીઓના સંપર્કમાં આવે છે. તેના કરડવાથી એલર્જીના ચિહનો જોવા મળે છે. લાલ ચાંભા પડવા, મોળ ચઢવી, અને હૃદયના ધબકારા વધી જવા જેવા ચિહનો જોવા મળે છે. રેડુવિઇડ જીવાતમાંથી ટ્રાયોનોસોમા ક્રુઝિ પેરાસાઇટ માણસમાં પ્રસરે છે. આ પેરાસાઇટ હૃદયના સ્નાયુઓ અને કેન્દ્રિય ચેતા તંત્રમાં હોય તો ગંભીર શોથ પડે છે અને ઈજા થાય તો ઘાતક નીવડી શકે છે. આ રોગ ગરીબ ગામડાના વિસ્તારોમાં જોવા મળે છે. તેનાથી હાર્ટ ફેઇલ થઇ શકે છે અને પાચનતંત્રના અવયવોમાં સોજો આવે છે. આ પેરાસાઇટ અંદાજે એક કરોડ લોકોમાં જોવા મળેલ છે. તેમાંના મોટા ભાગના લેટિન અમેરિકામાં હોય છે. તે બીજા વિસ્તારોમાં ફેલાતો જોવા મળે છે. કેટલાક વિચારે છે કે પેરાસાઇટના જુદા જુદા પ્રકારો જુદી જુદી રીતે અસર કરે છે તેથી રિયો ડી જાનેરોના ઓસ્વાલ્ડો ક્રુઝ ફાઉન્ડેશનના બે તજજ્ઞાોએ ૨૦૦૮માં જણાવ્યું કે બ્રાઝીલમાં ૫૬૦ વર્ષ જુના મમીકૃત શરીરમાં મોટા આંતરડાના મોટા નીચેના ભાગ (કોલોન)માં ટ્રાયપાનોસોમા ક્રુઝિ શોધ્યા ત્યારે તેઓએ સંભવતઃ અગત્યની શોધ કરી હતી. તે પહેલાં તેઓએ આ પેરેસાઇટને ૪૦૦૦થી ૭૦૦૦ પહેલાંના હાડકામાં મળ્યા હતા. જુદા જુદા નમૂનાના પેરેસાઇટના ડીએનએને સરખાવીને તેની ઉત્ક્રાંતિ અને તેના ફેલાવા વિશે વધારે જાણી શકીએ અને કદાચ તેના ઉપચાર પર અસર પાડી શકીએ. અત્યારે તેનો કોઇ ઠોસ ઉપચાર નથી.
પાલીયો પેથોલીજીસ્ટો હવે એમઆરઆઇ (મેગ્નેટીક રીઝોન્સ ઈમેજીંગ)નો ઉપયોગ કરવા લાગ્યા છે. આ ટેકનીક પાણીમાંથી સંકેતો પારખે છે. સૂકાઇ ગયેલા મમી આ ટેકનીક માટે ઉત્તમ નથી. પરંતુ એમઆરઆઇ મૃદુ પેશીઓના વધારે સારા પ્રતિબિંબ મેળવી શકે. વધુમાં એમઆરઆઇમાંથી સીટી સ્કેનની જેમ રેડિયેશન નીકળતું નથી તેથી ડીએનએના નમૂનાને હાનિ પહોંચવાની શક્યતા નથી.

Source :-http://www.gujaratsamachar.com/

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Products :-  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel } (Live In :- Gujarat)
Website :- http://www.gayatrisolutiongroup.com/

No comments:

Post a Comment